Mekanografia: teklatu motak
Zer teklatu mota daude?
Linean mekanografia ikasten hasiko zarenean, baliteke zure ordenagailuko teklatua egokia ote den zalantzan jartzea. Teklatu horrek ikasten lagunduko dizun ala, aitzitik, kalte egingo dizun. Horregatik, sarrera honetan ikusiko dugu zer teklatu mota dauden merkatuan eta zein den egokiena erabilera bakoitzerako. Ezagutu ezazu zeurea zein den!
Gaming teklatuak
Modan daude. Eta familian bideojokoen zalea den haurren bat baduzu, ziur asko eskatu dizu bat. Diseinu erradikala izan ohi duen teklatu mota bat da. Teklen tamaina altua izan ohi da, eta gehienetan koloretako argiekin lagunduta doaz.
Gaming teklatu mekanikoak edo mintzezkoak daude, baina joko-esperientzia optimoa izateko teklatuak mekanikoa izan beharko luke.
Teklatu mekaniko gehienek Cherry MX tekla ospetsuak erabiltzen dituzte; elkarren artean trukagarriak dira eta, modeloaren arabera, teklak modu desberdinean jokatzen du. Wikipediara esteka bat uzten dizuegu, Cherry MX-ri buruz pixka bat gehiago iker dezazuen.
Normalean kabledun teklatuak izan ohi dira, argien kontsumoagatik eta, batez ere, ahalik eta erantzun-denbora txikiena lortze aldera.
Idazteko teklatuak
Hemen sartzen dira teklatu arrunt gehienak. Merkeenak eta polifazetikoenak dira.
Aurkitzeko modurik ohikoena mintz motako teklekin da. Mintza goma moduko bat izan ohi da, eta tekla sakatzean plaka inprimatu batean kontaktua egiten du. Tekla jatorrizko poziziora itzultzea mintz beraren bidez egiten da; sakatzeari uztean, jatorrizko forma berreskuratzen du eta, ondorioz, tekla gora bultzatzen du.
Estilo honetako teklatu batek 6 € eta 20 € artean balio ohi du, eta prezio handiagoak har ditzake dituen akaberen eta ezaugarrien arabera.
Mekanografiatzeko teklatu mekaniko baten bila bazabiltza, Cherry sortaren barruan, MX Blue teklek zure gogoak beteko dituzte. Azkar eta etengabe idaztean, batzuetan sakatzeak ez dira guztiz sendoak izaten. Cherry MX Blue teklak dituen teklatu bat baduzu, teklak pantailan erdi-sakatze baten ondorioz ez agertzea saihestuko duzu.
Multimedia teklatuak
Egongelan erabiltzera bideratuta, goraka doan teklatu bat da. Gero eta gailu gehiago ditugu telebistara konektatuta edo zuzenean telebista adimendunak ditugu, duela urte batzuk imajinatu ere ezin genituenak.
Gailu mota hauek askotan trackpad bat izaten dute, sagurik ez dagoenean erabiltzeko edo saguaz gabe moldatu ahal izateko.
Honi esker, telebista kontrolatzeko gailu kopurua murriztu daiteke eta SmartTVa kontrolatzeko gailu bakar bat baino ez da behar.
Baina, batez ere, teklatu moten artean, multimedia teklatuak erreprodukzio-kontrolak izateagatik bereizten dira, hala nola bolumen-kontrola, aurreratzea, atzeratzea, gelditzea, erreprodukzioak pausatzea, etab.
Haririk gabeko teklatuak
Kablerik gabeko idazmahai garbi bat nahi duzu? Bada, haririk gabeko teklatu bat da behar duzuna. Lan-eremua ikusmenez garbiagoa izatea ahalbidetzen du, pilen mende egon behar izatearen eragozpen bakarrarekin. Normalean, pilek hainbat hilabete edo urte ere irauten dute.
Hauek Bluetooth bidez edo 2,4 Ghz-ko haririk gabeko teknologiaren bidez konekta daitezke. Konektatu nahi duzun gailuaren arabera, teknologia bat edo bestea erabili beharko duzu.
Gomendioa: Tablet edo mugikor batera konektatzea pentsatzen ari bazara, Bluetooth teknologia duen bat beharko duzu.
Laser teklatuak
Hoberenak ez badira ere, ezta erosoenak ere, uneren batean lagungarri gerta dakizkiguke. Argi-izpi bat edozein gainazaletan proiektatuko da eta idazten has gaitezke.
Bi eragozpen handi ditu: teklen ukimena erabat galtzen dugu, beraz, abiadura eta zehaztasuna galduko dugu idazterakoan, eta argi naturalarekin ez dira "teklak" oso ondo ikusten.
Teklatu malguak
Azkenik, oso ohikoa ez den teklatu mota bat: teklatu malguak. Ziur hacker tipikoa agertzen den pelikularen batean ikusi dugula teklatu hau zabaltzen.
Haien abantaila handia da biribilgarriak direla eta, oro har, iragazgaitzak izan ohi direla.
Deskargatu mekanografia ebooka DOAN
edo nahiago baduzu